The Hymns and Carols of Christmas

Lullay, Lullay, Litel Child

For Christmas

National Library of Scotland, Edinburgh, MS Advocates 18. 7. 21.
Manuscript of Franciscan Friar John of Grimestone, ca 1370

Compare: Lullay, Lullay, Little Child

Lullay, lullay, litel child,
Qui wepest thou so sore?

Lullay, lullay, litel child,
Thou that were so sterne and wild
Now art become meke and mild,
To saven that was forlore.

But for my senne I wot it is
That Godes Sone suffret this:
Mercy, Lord, I have do mis;
Iwis, I wile no more.

Ayenis my Fadres wille I ches
An appel with a rewful res;
Werfore myn heritage I les,
And nou thou wepest therfore.

An appel I tok off a tre;
God it hadde forboden me;
Wherfore I shulde dampned be,
Yef thy weping ne wore.

Lullay for wo, thou litel thing,
Thou litel barun, thou litel king;
Mankinde is cause of thy murning,
That thou hast loved so yore.

For man that thou hast ay loved so,
Yet shaltou suffren peines mo,
In heved, in feet, in hondes to,
And yet wepen wel more.

That peine us make of senne fre,
That peine us bringe Jesu to thee,
That peine us helpe ay to fle
The wickede fendes lore.

Print Page Return Home Page Close Window

If you would like to help support Hymns and Carols of Christmas, please click on the button below and make a donation.