The Hymns and Carols of Christmas

Hymnum canéntes mártyrum

For the Officium lectionis on The Feast of the Holy Innocents (SS. Innocentium, Martyrum)

Source: Liturgia Horarum (The Liturgy of the Hours)

HYMNUS

1 Hymnum canéntes mártyrum
dicámus Innocéntium,
quos terra deflens pérdidit,
gaudens sed æthra súscipit;

2 Quos rex perémit ímpius,
pius sed Auctor cólligit,
secum beátos cóllocans
in luce regni pérpetis.

3 Præclára Christo splénduit
mors ínnocens fidélium;
cælis ferébant ángeli
bimos et infra párvulos.

4 O quam beáta cívitas,
in qua Redémptor náscitur,
natóque primæ mártyrum
in qua dicántur hóstiæ!

5 Astant niténtes fúlgidis
eius throno nunc véstibus,
stolas suas qui láverant
Agni rubéntes sánguine.

6 Iesu, tibi sit glória,
qui natus es de Vírgine,
cum Patre et almo Spíritu,
in sempitérna sæcula. Amen.

Print Page Return Home Page Close Window