Words and Music: Traditional English
(From MS. Addit. No. 5665, fol. 9, r⁰)

Source: Thomas Wright, Specimens of old Christmas Carols, Selected from Manuscripts and Printed Books (London: The Percy Society, 1841)

Compare: Man, Be Joyful And Mirth Thou Make (Rickert)

Man be joyfulle and myrth thou make,
For Crist ys made man ffor thy sake.

Man be mery I the rede,
    But be whar what merthis thou make;
Crist ye clothed yn thy wede,
    And he ys made man for thy sake.

He cam ffro hys ffader sete,
    Into this worlde to be thy make;
Man be war how thou hym trete,
    For he ys made man for thy sake.

Loke thou mercy ewyr crye,
    Now and alleway, rathe and late;
And he wille sette the wonder hye,
For he ys made man for thy sake.