In this tyme Cryst haõt us sent
Words and Music: Traditional English
(From MS. Sloan 2593, fol. 71, r0)
Source: Thomas Wright, Specimens of old Christmas Carols, Selected from Manuscripts and Printed Books (London: The Percy Society, 1841)
This carol requires the installation of the "Junius Modern" font for best display.
See notes in F A Q
Man, be glad in halle and bour,
This tyme was born our savyour.
In this tyme Cryst haõt us sent
His owyne sone in present,
To dwelle with us verement,
To ben our helpe and socour.
In this tyme ros a sterre cler
Over Bedlem, as bryõt as fer,
In tokenyng that he hadde non per,
Lord, god, kyng, and emperour.
In this tyme it is be-falle,
He that deyid for us alle,
Born he was in assis stalle,
Of Mary, that swete flour.
In this tyme kemyn thre kynges,
He kemyn fro fer, with ryche thinges,
For to makyn here offerynges,
On here knen with gret honour.
In this tyme prey we
To hymn that deyid on the tre,
On us have mercy and peté,
And bryng us alle to his tour!
