In this tyme a chyld was born
Words and Music: Traditional English
(From MS. Sloan 2593, fol. 74, r0)
Source: Thomas Wright, Specimens of old Christmas Carols, Selected from Manuscripts and Printed Books (London: The Percy Society, 1841)
This carol requires the installation of the "Junius Modern" font for best display.
See notes in F A Q
Man, be glad in halle and bour,
This tyme wa born our savyour.
In this tyme a chyld was born,
To save tho sowl that wern for-lorn,
For us he werde garlond of thorn,
All it was for our honour.
The eytende day he was schorn,
To fulfylle the law that was be-forn,
Of meknesse he blew his born.
Good Fryday was don on rode,
The Jews spyltyn his herte blode,
Mary, his moder, be hym stode;
ġe ben our help and our socour.
On Esterne Day he gan up ryse,
To techyn hem that wern on-wyse;
Jhesu, for ġour woundes five,
ġe ben our help and our socour.
On Halwyn Thursday he gan up steye
To his fader, that sit on heye;
Jhesu, for ġour curteysye,
ġe ben our help and our socour.
On Qwytsunday he gan doun sende
Wyt and wysdam us to a-mende;
Jhesu, bryng us to that ende,
With-outyn delay, our savyour!
