Missus Est Angelus Gabriel
For The Annunciation
Source: William Sandys, Christmas Carols Ancient and Modern (London: Richard Beckley, 1833), pp. 8-11.
This carol requires the installation of the "Junicode" font for best display. You can obtain a copy of this font from Old English at the University of Virginia, or right click here, and then select "Save File As" to save a copy of the zipped file to your computer. See notes in F A Q.
1. God sent his Aungell Gabriell
To Nazareth the chefe cite
Of Galile, as Luke will telle,
To Marie mylde and mayden fre.
2. The which was wedded to a man
Of David hows, that Joseph hight;
To her the Aungell entrid than
And seyde unto that mayden bryght,
3. Hayl, full of grace, the Lord of
He is with thee, blessyd mote thou be
Among all wymen grete and small;
Thus salwed he that Lady fre.
4. When sche this herde sche was
And thought with in hir hert wytly
Of this worde howe it was sayde;
And than to her he seyde in highe,
5. Drede nought, Marye, for thou hast
The grace of God in mekenesse trewe;
Thou schalt conseyve and bere a sone,
And thou schalt clepe his name Jħu.
6. He schal be grete by godly myght,
And cleped hys sone that is most hee;
He schal hym gyve by mothir ryght
The sete of David hys fathir free.
7. In Jacob hows he schal be kyng,
And of hys rewme schal be noon ende;
Then askyd Marye of this thing,
How it schulde be sche wolde be kende,
8. For man I purpose nevȝ to knowe;
Than seyde the Aungell from above
The Holy Gost schal come and schowe
To thee in the strengthe of love,
9. And umbischadwe thee with light
And vȝtue grete of hys godhede;
T•fore that holy thing of myght
That schal be born of thee in dede
10. Schal be Goddis sone, and so be
And so Elizabeth thi awnte
Sche hath conseyved, though sche be olde,
A sone, suche grace God hath hir graunte.
11. And now the Sixte moneth is this
To hir that passed in childe berynge,
To God unmyghty no thing is,
At hym be may no failing thinge.
12. Than spak the mother of pyte,
Lo the Lordys handmayde I am
Aftȝ thi woorde be do to me;
And at that poynt God bycome man.
13. Than roos that blissyd mayde Marye,
And gede up to the hillys with hasty breeth
Unto the hows of Zakarye,
And salewed ther Elizabeth.
14. And whan Elizabeth dide her
The gretyng of that lady swete,
Hir childe Seynt John glad cher than made
With inne hir wombe there as sche sete.
15. And than, fulfilled of the holy
Elizabeth bigan to crye
Blessed the art of wymen moost
So is the fruyt of thi bodye.
16. And how is this, that thus to me
Cometh the mothir of my Lord,
To make my childe so welcome thee
As voys doth voys in gode acorde?
17. And blessyd be thou in feith so
For what is seyde from God to thee,
by phets alle both olde and newe
Now is fulfilled, blessyd mote the be.
18. Than spak Mary, Goddis mothir dere,
Moche magnifieth my Sowle my Lord,
And so my spirit hath schewed glad cher
In God my helpe with ful acorde.
19. This graciouse cowpil of foure in
Of Crist Jħu and Marye mylde,
Elizabeth and her sone dere
Seynt John Baptist, fro schame us schilde.
From MMS. bibl. Reg. Brit. Museum, 18 A. x. (15th century.)
If you would like to help support Hymns and Carols of Christmas, please click on the button below and make a donation.