For Advent

Words and Music: Latin, 6th or 7th Century

See: Creator Of The Stars Of Night
Creator Of The Starry Height (from Monk and Steggall)
Conditor alme siderum (First Line: There is a Child born of Mary), Edith Rickert, 1914

1. Conditor alme siderum,
aeterna lux credentium,
Christe, redemptor omnium,
exaudi preces supplicum.

2. Qui condolens interitu
mortis perire saeculum,
salvasti mundum languidum,
donans reis remedium.

3. Vergente mundi vespere,
uti sponsus de thalamo,
egressus honestissima
Virginis matris clausula.

4. Cuius forti potentiae
genu curvantur omnia;
caelestia, terrestria
nutu fatentur subdita.

5. Te, Sancte, fide quaesumus,
venture iudex saeculi,
conserva nos in tempore
hostis a telo perfidi.

6. Sit, Christe, rex piissime,
tibi Patrique gloria
cum Spiritu Paraclito,
in sempiterna saecula. Amen.