Words: Alleluyu dulce carmen, Anonymous Latin, 10^th or 11^th Century

Translations:
Alleluia, Song of Sweetness
Alleluya, Song Of Sweetness

1. Alleluia dulce carmen,
Vox perennis gaudii,
Alleluia laus suavis
Est choris coelestibus,
Quam canunt Dei manentes
In domo per saecula.

2. Alleluia laeta mater
Concivis Jerusalem:
Alleluia vox tuorum
Civium gaudentium:
Exsules nos flere cogunt
Babylonis flumina.

3. Alleluia non meremur
In perenne psallere;
Alleluia vo reatus
Cogit intermittere;
Tempus instat quo peracta
Lugeamus crimina.

4. Unde laudando precamur
Te beata Trinitas,
Ut tuum nobis videre
Pascha des in aethere,
Quo tibi laeti canamus
Alleluia perpetim.