The Hymns and Carols of Christmas

Quicúmque Christum quæritis

For Vespers and Laudes matutinæ on the Solemnity of the Epiphany (Sollemnitas in Epiphania Domini (6 ianuarii)

Source: Liturgia Horarum (The Liturgy of the Hours)

HYMNUS

1 Quicúmque Christum quæritis,
óculos in altum tóllite:
illic licébit vísere
signum perénnis glóriæ.

2 Hæc stella, quæ solis rotam
vincit decóre ac lúmine,
venísse terris núntiat
cum carne terréstri Deum.

3 En, Pérsici ex orbis sinu,
sol unde sumit iánuam,
cernunt períti intérpretes
regále vexíllum magi.

4 "Quis iste tantus - ínquiunt -
regnátor astris ímperans,
quem sic tremunt cæléstia,
cui lux et æthra insérviunt?

5 Illustre quiddam cérnimus
quod nésciat finem pati,
sublíme, celsum, intérminum,
antíquius cælo et chao.

6 Hic ille rex est géntium
populíque rex Iudáici,
promíssus Abrahæ patri
eiúsque in ævum sémini".

7 Iesu, tibi sit glória,
qui te revélas géntibus,
cum Patre et almo Spíritu,
in sempitérna sæcula. Amen.

Print Page Return Home Page Close Window

If you would like to help support Hymns and Carols of Christmas, please click on the button below and make a donation.


Related Hymns and Carols