1. Majestati sacrosanctæ
Millitans cum triumphante
    Jubilet Ecclesia:
Sic versetur laus in ore,
Ne graventur cor tempore,
    Quod degustat gaudia.

2. Novum parit virga florem,
Novum monstrat stella solem;
    Currunt ad præsepia
Reges magi, qui non vagi,
Sed præsagi, gauden agi
    Stellâ duce praeviâ.

3. Trium regum trinum munus;
Christus, Homo-Deus unus
    Cum carne et animâ;
Deus trinis in personis
Adoratur tribus donis,
    Unis in essentiâ.

4. Myrrham ferunt, thus, et aurum,
Plus pensantes, quàm thesaurum,
    Typum sub quo veritas;
Trina dona, tres figuræ:
Rex in auro: Deus in thure,
    In myrrhâ mortalitas.

5. Thuris odor Deitatem,
Auri splendor dignitatem
    Regalis potentiæ
Myrrha caro verbo nupta,
Per quod manet incorrupta
    Caro carens carie.

6. Tu nos, Christe, ab hâc valle
Duc ad vitam recto calle
    Per regum vestigia.
Ubi Patris, ubi Tui
Et Amoris Sacri, frui
    Mereamur gloriâ. Amen.

Sheet Music from J. H. Hopkins, ed., Great Hymns of the Church Compiled by the Late Right Reverend John Freeman Young (New York: James Pott & Company, 1887), #83, p. 128.